Sociedá
El Colectivo Interferencias saca un númberu nuevu de la revista «21 Le Maig»
21 Le Maig.
El Colectivu Interferencias, afincáu en Xixón, acaba d’editar un númberu nuevu de la revista 21 Le Maig, publicación dedicada a la difusión del arte contemporaneu y la cultura alternativa.
Nesta ocasión son venticuatro les páxines de la revista, con portada a color y interior en blanco y negro, con artículos curtios sobre’l fotógrafu Javier Largen, l’artista Bubi Canal (fotógrafa, escultora y realizadora de videu), el videu colectivu tituláu Schönheit (que reflexona sobre la guapura), l’escritor Rafael Roa, el trabayu visual de Fran Orallo (que reflexona sobre la imaxe social del cuerpu), comentarios acerca de la so propia obra d’artistes como David Gutiérrez Camps, Francisco Brives o Lourdes Carcero, o entrevistes a María Fernández y Miguel Ponce.
21 Le Maig tien una selección bien curiada de fotografíes qu’acompañen y complementen los artículos, escritos tanto n’asturianu como en castellanu, y que traten de les últimes tendencies y vanguardies nel mundu artísticu, fundamentalmente tolo rellacionao col videoarte.
