Música

El hip hop de Kultama va sonar en Xixón

Kultama.

El sábadu 6 de marzu, a partir de les 20:00 hores, na sala Fat! Club de Xixón, va actuar el raperu conocíu como Kultama. Esti históricu MC, componente de la formación rap VKR (Verdaderos Kreyentes de la Religión del Hiphop) y corista de La Mala Rodríguez, va presentar el so trabayu nuevu en solitario, The End. Vinculáu al movimientu hip hop dende la so adolescencia, Kultama ye un MC destacáu dientro del rap estatal. Con menos de 17 años principió a actuar con VKR, ún de los nomes punteros del rap en castellanu. Hermanu del tamién MC Frank-T, actualmente fai la so xera musical en solitario, en VKR y como corista de La Mala Rodríguez.

Nacional e importación (2006) foi’l so discu debú como solista. Racismu, prexuicios sociales, y falta d’ayuda a los necesitaos, pero tamién vacile, tán presentes nos testos d’esti MC madrilanu. Anguaño ta presentando en directo The End, segunda referencia na qu’afita un soníu personal, cuidáu y con producciones destacaes.

Enantes d’él van xubir al escenariu Crimen-X, ún de los grupos pioneros del hip-hop na ciudá d’Irún, que surde como unión de les bandes Rushblack-KA y Kode Quo.